Kanada universitetlərində əldə edilən ali təhsil Amerikada və Böyük Britaniyada əldə edilən ali təhsilə bərabər hesab edilir. Bununla yanaşı Kanadada təhsil haqları və yaşayış xərcləri İngiltərə, Amerika, Avstraliya və Yeni Zellandiyadakı qiymətlərdən daha ucuzdur.

Hər il Kanada universitetləri 130 000-ə yaxın əcnəbi tələbə qəbul edir və onlara 10 000-dən çox müxtəlif təhsil proqramları təklif edir. Bu proqramlar içərisində informasiya texnologiyaları, kompüter qrafikası, telekommunikasiya, kənd təsərrüfatı, əczaçılıq, biotexnologiyalar və s. var.

2003-cü ildə Birlik dövlətlərin universitet assosiasiyası tərəfindən aparılan araşdırmalara görə, Kanada Britaniya, ABŞ, Avstraliya və Yeni Zellandiya ilə müqayisədə ən aşağı təhsil haqları təqdim edir.

Kanada universitetləri və kolleclərindəki təhsil haqları təhsil müəssisəsindən, təhsil proqramının növündən və təhsilin davametmə müddətindən asılı olaraq dəyişir.

Kanada universitetlərində təhsil alan əcnəbi tələbələr orta hədlə bir il üçün 6,500-dən 12,000 Kanada dolları ödəyirlər. Kolleclərdə isə təhsil haqları 6,000-dən 9,000 Kanada dollarıdır.

Bu xərclərə mənzil icarəsi, qidalanma, tibbi sığorta, geyim, nəqliyyat xərcləri və əyləncələr də daxildir. Burada mənzil haqqı bir il üçün 4000 dollardır. Bundan əlavə qidaya təqribən bir ayda 250 dollar, digər xərclərə isə ildə 2000 Kanada dolları tələb edilir.

1. Queen’s University

2. McMaster University

3. University of Alberta

4. University of Calgary

5. Mc Gill University

6. University of British Columbia

7. University of Montreal

8. University of Toronto

9. University of Ottawa

10. University of Waterloo